Hulyo 07,2021 – Gipangusgan ang pagpahibalo sa Lokal nga Panggamhanan, pinaagi sa Urban Development and Housing Section, sa publiko nga likayan ang mga nagabaligya sa luna sa Cogon 1-4, Barangay JP Laurel tungod ginapanag-iyahan kini sa gobyerno ilawom sa Philippine Deposit Insurance Corporation (PDIC) area. Adunay mga posibleng kaso ang pwedeng atubangon sa mga nasakupan sa ilegal nga pagpamaligya sa luna.

Sumala pa ni City Housing Section Head Cielito N. Miano, “Dili pwede ang pagpamaligya ug pamalit tungod walay igong dokumento ang mga lumulupyo sa maong lugar kay panag-iya ni sa gobyerno.”

Nagpahibalo usab si Miano nga importanteng pangitaon ang mga dokumento sama sa titulo kung mopalit og luna. Ingon pa niya, “Kung mopalit o adunay mo-offer nga luna, siguraduhon nga adunay insaktong papeles nga ikapakita para mahibalo-an nga dili pangilad ang transakyon sa luna.”

Alang sa kasayurang legal, mamahimong mobisita sa Urban Development and Housing Section nga nahimutang sa 3rd Floor, New City Hall, Panabo City.

Sonny Calizar, CIO-PIRO
📸- FGJP