Hunyo 17,2021 — Gilibre ni City Mayor Jose E.Relampagos ang pagbunyag sa 24 ka mga kabataan pinaagi sa gipahitabo nga Binyagan sa Simbahan sa Sto. Niño Parish, Panabo City. Aduna usab madawat ang mga benepisyaryo nga babtismal certificate, gift pack, ug photo frame.
Sumala pa ni Rose Ann Regmal, Binyagan sa Simbahan Coordinator nga magpadayon gihapon ang paghatag og serbisyo ni Mayor Relampagos sa katawhan bisan paman anaa sa pandemya tungod nga “…ubay-ubay man gud ang nagapangayo og tabang nga mabinyagan ilang mga anak sa Mayor’s Office maong namugna ang libreng binyagan alang kanila,” dugang ni Regmal.
Usa sa mga ginikanan nga nagpasalamat kay si Jilyn E. Balutias. Ingon niya, “Naka-save gyud mi og kwarta tungod aning libreng bunyagan ni mayor.” Iyang hinaot nga dili lang siya ang maka benepisyo niini. “Dili unta mo-undang sa pagtabang si mayor ilabi na sa mga parehas namo.”
Ang kalihokan gimugna ni Mayor Relampagos kauban ang City Council of Women nga gipangulohan ni Executive Assistant III Jo-Anne R.Capuyan ug Relampagos Cares Program. Gisubay usab ang health protocols sama sa pagsuot og face mask ug face shield isip proteksyon sa paglikay sa COVID-19.
Gilaoman nga ang programa mapaabot sa matag barangay sa siyudad sa Panabo.
| Sonny L. Calizar, CIO – PIRO
📸 | Neilton Dotillos
