Nagpagawas og Memorandum Order No. 1291 o ang Prohibition of Basketball Games si City Mayor Jose E.Relampagos isip pagtuman sa National IATF guidelines batok sa mga contact sports. Sa maong order, gimandoan ni Mayor Relampagos ang mga kapitan sa mga barangay nga tanggalon o tabonan ang mga rings sa nagkadaiyang basketball court sa siyudad aron malikayan ang pag dula sa mga kabataan og basketball ilabi na karon nga naga daghan ang kaso sa COVID-19.

Gawas sa national IATF, anaa usab ang Executive Order 26 ni Governor “Kuya” Edwin I.Jubahib nga nakasulat sa Section 2.12 nga “Only outdoor non-contact sports and other forms of individual exercises are allowed”. Ang mga non-contact sports nga gitugotan kay: running, biking, swimming, tennis, badminton, equestrian, range shooting,diving ug skateboarding.

Padayon sab ang pag tuyok sa PNP Panabo aron masiguro nga gi implementa kini sa tanang Barangay.

| Gen Alforque- CIO
📸 | Rommel Cayas