Gina-awhag sa City Health Office ang katawhan nga gusto magpa-test og HIV/AIDS labina na ang mga sexually active diin libre lamang kini pinaagi sa HIV/AIDS Program sa CHO.
Matod pa ni Carlyn T.Quita, STI/HIV/AIDS Prevention and Control Coordinator, “Dili dapat mahadlok magpa test. Atleast mahatagan pag precautions og maagapan pa ang mga posibleng mahitabo labi na gina patay niya ang atong immune system. Ug tungod ana, dali na lang ta matakdan og sakit.”
Dili lamang ang katawhan sa panabo ang makabenepisyo sa libreng HIV/AIDS testing apan mo dawat gihapon ang Panabo CHO gikan sa laing munisipyo o siyudad.
Alang sa gustong magpa HIV testing, bisitaha lamang ang Panabo City Health Office ug subayon ang health protocols batok COVID-19.
Sa tuig 2020, adunay 97 ka kaso ang siyudad sa Panabo sa HIV/AIDS.
| M. Gentiles
