Hunyo 15, 2021 — Malipayon ang mga kabataang benepisyaryo sa St. Joseph Bahay Pag-asa (SJBP) isip napilian sa community service sa The Church of Jesus Christ of Latter Day Saints (TCJCLDS) ug sa ilang pakig-alayon sa Tourism Promotions Section ug mga Binibining Panabo 2021 Royalties. Adunay gihatag nga pagkaon, mga hygiene kits, ug mga sanina. Tumong niini ang mahatagan ang mga kabataan sa SJBP og kabag-ohan.

Ang St. Joseph Bahay Pag-asa ilalom sa pagdumala sa City Social Welfare and Developement Office nga nagaatiman sa mga Children in Conflict with the Law sa siyudad sa Panabo.

Matod pa ni SJBP Center Head Samuel Malixandro P. Eblamo, “Despite sa pandemic, adunay gihapon mga tao nga motabang alang sa kaayohan aning mga bata.”

Sumala pa ni Lloyd Noemar Caupayan, TCJCLDS Panabo District President nga amdam ang ilang simbahan sa paghatag og community service alang sa mga nanginahanglanon sa komyunidad sa Panabo City ilabi na nga sila nagasaulog og 60th anniversary. Ingon pa niya, “Isa sa mga programa namo sa church, dili lang ta nagahisgot about religion but naa pud ang community service diin naga-share mi og mga blessings sa ubang community diri sa Panabo City.”

Gisubay usab ang health protocols nga mando sa DOH sama sa physical distancing, pagsuot of face mask ug face shield alang sa paglikay sa pagkuyanap sa COVID-19.

| Sonny L. Calizar, CIO -PIRO
📸 | Aljun A. Castilla