Menu

Agosto 15, 2022 — Madasigon ang 19 ka mga nag-apply pagka Little City Officials (LCOs) atol sa gipahitabong interview sa Lokal nga Panggamhanan sa syudad sa Panabo nga gipahigayon sa 3rd floor session Hall New Panabo City Hall. .

Ang mga LCOs nagpakitang gilas sa ilang abilidad sa pagtubag sa mga pangutana nga gikan sa mga hurado, kabahin sa ilang tumong ug tinguha, apil na niini kung ngano nga sila buot magpapapili nga angayan nga mahimong Little City Mayor , Little Vice Mayor ug pagka Little Councilor.

Gimugna ang maong kalihokan atol sa selebrasyon sa Linggo ng Kabataan 2022, subay sa Republic Act (RA) 10742 o Sangguniang Kabataan Reform Act 2015. Matod pa ni LYDO OIC Reynard Engada nga, “Pipila na pud katuig nga wala napahigayon ang LCOs. Karon nga higayon, nag-abri og opportunidad para sa mga lideres nga mga kabatan-onan. Ang lokal na panggamhanan nag imbenta og mga student leaders para maoy mo-representa isip opisyales.”

Anaa usab ang ubang hurado nga sila City Information Officer Michael Angelo A. Resueño, Administrative Officer IV Eajean Joy Princess N. Cepada Cloyd Manceras nga Private Secretary ni SK Federation President Hon. Danica L. Carisma, Boy scout of the Philippines/ Former Little Official 2018 James Balbastro.

Laoman nga ang resulta sa mapilian nga City Little Officials i-anunsyo sa Panabo City Information Office Facebook Page ugmang adlawa.

| Dolly Amag, CIO-PIRO
Emman Pan, CIO- MULTIMEDIA

Categorized in Featured , News Release

Related Posts