LOOKl Adunay gipahitabong pagpirma sa Memorandum of Agreement (MOA) alang sa Philsys Birth Registration Assistance Project adtong Agosto 15,2022 sa 3rd floor, City Mayor’s Office, Panabo City Hall.

Ang tumong sa proyekto mao ang paghatag sa libreng Birth Registration Assistance, apil na ang libreng pag proseso sa Negative Certificate ug SECPA (Security Paper) diin target niini ang 1,498 ka mga katawhan, ilabi na ang katilingban nga Indigenous People (IP) ug Muslims. Dugang pa niini, makapahimulos usab ang katawhan nga mipuyo gawas sa lungsod.

Ang maong memorandum gipirmihan nila City Mayor Jose E. Relampagos ug PSA Province Chief Statistical Specialist Pepito D. Amoyen, ug City Civil Registrar Evelyn A. Somozo. Anaa usab ang presensya ni City Assitant Legal Officer Atty. June Erek C. Ylanan nga nagsugyot sa maong memorandum.

Laoman nga magpadayon gihapon ang pag-survey sa mga kabarangayan nga adunay mga kadaghanang IPs ug Muslims na makabenepisyo sa maong proyekto.

|Jacqueline B. Jimenez | CIO SPES
|CMO