Upat ka outstanding panaboan awardees ang gipasidunggan sa culmination sa 2021 Araw ng Panabo Celebration tungod sa ilang pagrepresenta sa siyudad sa Panabo sa lain-laing national ug international sports ug academic competitions. Sila napili gawas sa pipila ka nominees pinaagi sa screening committee nga gipamunoan ni City Administrator Pedrito A. Misoles, MAED.

Unang gigawaran si Christian Gian Karlo T.Arca, 12, taga Barangay Gredu nga nagpakita sa iyang skills sa dulang chess diin siya giila nga “Youngest Arena Grand master” nga gihatag sa International Chess Federation (FIDE). Iyang girepresenta ang siyudad sa Panabo sa local, regional, national ug sa international na competisyon sa chess diin nasungkit niya ang Individual Over-all Champion ug Team Champion kauban iyang grupo nga Sharp Kids Juniors Philippines sa Worldwide Junior Chess adtong Pebrero 20,2021.

Ikaduha si Mc Quim Elzhay Oclarit, 19, taga Barangay New Visayas nga nagpakita usab sa iyang talento sa sport nga Sepak Takraw diin iyang nakab-ot ang bronze medal sa gipahitabong ASEAN School Games 2019 sa Semarang, Indonesia adtong Hulyo 17-25 2019. Sa national competition, iyang nakuha ang gold medal sa Palarong Pambansa adtong Abril 2019 nga gipahitabo sa University of the Philippines, Davao City. Siya usab gigawaran og silver medal sa Palarong Pambansa 2018 sa Vigan, Ilocos Sur ug sa Batang Pinoy National Championship adtong Desyembre 2015.

Ikatulo ang Math wizard nga taga Barangay New Visayas na si Ralph Moses Padilla, 19, nga adunay 19 ka mga awards gumikan sa nagkalain-laing national og international Math competitions. Siya gigawaran nga Golden Awardee sa gipahitabong International Mathematical Olympiad Heat Round sa Thailand adtong 2020-2021. Siya usab usa ka Golden Awardee sa 2020 – 2021 Guangdong – Hong Kong – Macau Greater Bay Area Mathematical Olympiad Big Bay Bei Heat Round.

Ika-upat usab and Math wizard si Adrian Luis Olarte, 19, taga Barangay New Visayas nga gigawaran isip usa ka Golden Awardee sa international Math Competition sa gipahitabong 2020 – 2021 Guangdong – Hong Kong – Macau Greater Bay Area Mathematical Olympiad Big Bay Bei Heat Round og 2019 – 2020 Thailand International Mathematical Olympiad Heat Round.

Ang mga Outstanding Panaboans gigawaran og special plaque, token, ug cash incentives subay sa Culmination program sa 20th Araw ng Panabo 2021 nga adunay temang “Kalingawan Bisan sa Distansya, Pahiyom Likod sa Maskara, Kadaugan Luyo sa Pandemya” adtong Marso 30,2021 sa Panabo City Multi-Purpose Gym, J.P Laurel, Panabo City.

Aron makita ang awarding, mamahimong mubisita sa City Government of Panabo facebook page o i’click and link na https://www.facebook.com/panabocityofficial/videos/1104660500010223

| Sonny L. Calizar, CIO – PIRO
📸 | Rommel Cayas