Makabenepisyo og farm equipment vehicles sama sa usa ka unit sa 4-Wheel Tractor og Combine Harvester Vehicle ang Lasang Irrigators Association (LIA-1) sa Purok Munggo, Brgy. Nanyo, Panabo Pilar Irrigators Association (PIA) sa Purok 1, Brgy. Southern Davao ug ang Quezon Nanyo Negara Southern Davao Irrigators Association (QUENNSODIA) sa Purok 6, Brgy. Southern Davao. Aduna usab usa ka unit sa Riding Type Transplanter ang ihatag sa QUENNSODIA isip usa ka lapad nga rice plantation sa siyudad. Giturn over na ang mga ekipo adtong Marso 30,2021 sa tulo ka mga benepisaryong rice farmers associations.

Ang maong kalihokan ilawom sa programa sa Department of Agriculture – Regional Field Office XI (DA-RFO XI) ug sa pakig-alayon sa Lokal nga Panggamhanan sa Panabo pinaagi sa City Agriculture’s Office nga adunay tumong nga makahatag og kaayohan sa mga Rice Farmers Associations sa siyudad. Adunay budget nga P11 million ang gipundo alang sa kining programa nga gumikan sa Rice Competitiveness Enhancement Fund.

Alang sa uban pang impormasyon, mamahimong mubisita sa City Agriculture’s Office nga nahimutang sa New City Hall, Panabo City.

| Sonny L. Calizar, CIO – PIRO
📸 | CAGRO