Gipulong ni City Mayor Jose E. Relampagos kauban si City Engineer Bernardo Rabanos, Jr ug ang Building Permit Section sa City Engineering Office ang Panabo United Skilled Electrician Association sa City Mayor’s Conference Room, 3rd Floor, Panabo City Hall.

Ang panagtapok gihisgutan ang saktong pagproseso sa building permit ug mga kabalaka kabahin sa pipila ka mga electrician sa siyudad.

Sigon pa ni City Engineer Rabanoz nga kinahanglan mo tuman sa mga polisiya sa gobyerno ug paghatag sa saktong dukomento kabahin sa paglukat sa building permit.

“Ang serbisyo nga maayo mo balik na sainyo, mao ng ayaw ninyo abusoha. Kay kung kamo nindot mo trabaho daghan ang mo recommend sainyoha”, mao kini ang tambag ni City Mayor Jose E. Relampagos sa mga electrician nga adunay dili maayo nga binuhatan sailang mga kliyente.

Gipasiguro usab ni PUSEA President Joefrel D. Pontilar, nga mosunod sa kung unsa ang mando gikan sa gobyerno. “Amoa gyud i-follow ang standard gikan sa gobyerno aron walay problema samoang part ug amoa kini ipaabot sa among kaubanan”, dugang pa ni Pontilar.

| MCG
📸 E. Pan