Oktubre 14,2021- Gi turn-over ni City Mayor Jose E. Relampagos ang P 200,000 nga cash assistance sa Panabo Transport Services Cooperative (PTSC) isip tabang sa mga jeepney drivers sa siyudad sa Panabo. Tinguha ni Mayor Relampagos nga mahatagan og dugang kapital ang mga asosasyon sa Panabo aron nga mapalambo ang kinabuhi sa mga myembro nila.

Sumala pa ni PTSC President Benjamin Mauricio, ilahang gamiton ang cash assistance sa mo-abutay nga Jeepney Modernization aron sa pagkuha og requirements sa Land Transportation Franchising and Regulatory Board (LTFRB). “Dako kaayo ni og tabang sa amoa karon kay naa nami pundo nga kwarta sa kooperatiba,” dungag pa niya. Mihangyo usab si Mayor Relampagos nga palambo-on ang kwarta nga iyahang na hatag aron maka benepisyo pa ang tanang miyembro niini. Ang cash assistance nag gikan mismo sa pundo ni Mayor Relampagos.

Anaa sa programa sila City Councilor Hon. Emeterio E.Blase, ABC President Hon. Conrad Theodore Matutino, Barangay Captain sa Nanyo Hon. Demetrio Maligro, Barangay Captain sa Manay Hon. Engr. Raul Mahipus, Barangay Councilor sa Salvacion Hon. Calixto Arcena, BANWAG Program Coordinator Allan Sarabia.

| Gene Alforque- CIO
| 📸 – Emman Pan