Gipahitabo ang opisyal nga pagturn-over ni City Mayor Jose E.Relampagos sa P1 Million livelihood assistance alang sa pederasyon sa mga pedicab drivers sa siyudad sa Panabo adtong April 8,2021 sa ABC Hall, Barangay New Pandan, Panabo City. Gidawat kini ni Mario Sambalilo, Federation President sa Hugpong sa Tag-iya og Pidekaber sa Panabo Federation Incorporated o HUTPIDPAFI, nga planong ideretso kini og deposito sa ilang banko.

Matod pa ni Mayor Relampagos, “Ang income niini mamahimong 50 porsyento balik pangkapital ug ang nabiling 50 porsyento mahimong dividendo sa tanang myembro sa federation.”

Sumala pa ni Rolly Coquilla nga Treasurer sa HUTPIDPAFI, “Sa pila ka tuig nahimo ko’ng pedicab drayber, karon rani nahitabo sa among pederasyon nga gidungog ni Mayor Relampagos ang among hangyo. Dako kining tabang sa mga pidekaber.”

Sa kasamtangan, adunay 33 ka mga asosasyon sa pidekaber ang Panabo. Sa mga dili myembro sa mga asosasyon, mamahimong magparehistro o magpalista sa usa ka asosasyon o magbuhat sila og kaugalingong asosasyon kung asa magpamyembro sila sa HUTPIDPAFI ingon pa ni Sambalilo.

Atol sa pagturn-over, anaa sila City Councilor Hon. Janno Paolo P.Gentiles ug Hon. Emeterio E.Blase kauban ang mga presidente sa mga pedicab association.

|Ivory Dawn Balogbog, PIRO-CIO
📸|MCG