Bag-ohay lamang gisugdan sa Cacao Multipurpose Cooperative ang ilahang Micro Finance Program aron nga matabangan mapalambo ang ekonomiya sa ilang mga miyembro isip dugang kapital sa ilahang ginagmay nga negosyo sa gamay nga interes. Diri nakita ni City Mayor Jose E.Relampagos ang ka hingpit sa programa kung diin mihatag siya og dugang kapital sa maong kooperatiba nga mokantidad og P100,000.00.

Dako ang pasalamat ni Jetcyrel Jaylo, Chairperson sa Cacao Multipurpose Cooperative sa tabang ni Mayor Joe gumikan nga bag-o pa lamang sila nag sugod sa programa. “Nagpasalamat mi sa tabang ni Mayor Joe kay daghan ang ma accomodate na myembro namo,” matod pa ni Jaylo. “By way of helping each of the member individually matabangan namo ang Coop as a whole.”

Sa pagkakaron, ang mga myembro niini puro lumulupyo sa Barangay Cacao ug nag-abri sila sa posibilidad nga modawat sila og miyembro gikan sa laing barangay.

Ang Micro Finance Program giila sa Cooperative Development Section ilawom sa City Mayor’s Office nga lehitimong programa sa Cacao Multi-Purpose Cooperative.

| Gene Alforque – CIO
📸| CMO- Cooperatives Development Section