Gipahitabo ang consultation meeting sa City Social Welfare and Development Office (CSWDO) kauban si City Mayor Jose E. Relampagos alang sa paghisgut kabahin sa padayong paghatag og assistance sa mga Children in Need of Special Protection (CNSP) adtong Disyembre 19, 2022 sa Mayor’s Conference, 3rd Floor, Panabo City Hall.

Gitambongan ang maong kalihokan, sa 18 ka CNSP apil sa mitambong ang ilang mga ginikanan. Lakip sa CNSP ang mga bata nga adunay pangidaron nga 18 anyos paubos, o kadtong 18 anyos pataas apan dili makahimo sa pag-atiman sa ilang kaugalingon tungod sa pisikal o mental disability nga kahimtang; kinsa bulnerable o biktima sa pag-abuso, pagpasagad, pagpahimulos, kabangis, diskriminasyon, kapintasan, armadong panagbangi, pagpanlupig sa panimalay ug uban pang susamang kondisyon nga
makadaut sa ilang pag-uswag).

Gipaningkamot sa Lokal nga Panggamhanan pinaagi sa CSWDO kauban ang dakong suporta ni Mayor Relampagos nga sila matabangan ug malikay sa unsa mga kadaot sa ilang kinabuhi.

Sa ulahing bahin, gihisgutan usab sa maong meeting ang mga program ug dugang pahibalo sa mga CNSP ug sa mga ginikanan nga mitambong.

|IDOB