Gipahitabo ang 1st Inter Invitational Football Festival Tournament adtong Disyembre 17-18, 2022 sa football ground sa Panabo Multi-Purpose Gym nga gi-andam sa PNP Panabo sa pagpangulo ni Acting Chief of Police PLTCOL Adelon M. Caacbay.

Ang maong kalihokan, gipahigayon alang sa mga Children at Risk (CAR) nga gina monitor sa mga kapulisan aron masustinar ang ilang panginahanglan, mapalambo ang ilang mga kahanas ug mapausbaw ang ilang pagsalig sa ilahang kakayahan. Isa usab kini nga pamaagi aron dili sila makabuhat og kriman samtang sila naga dako.

Adunay 20 ka mga teams nga misalmot sa kalihokan sa lahi-lahi nga kategorya ug mo kabat sa 741 nga mga football enthusiast ang misalmot, aduna usab kaugalingong grupo ang Children at Risk og sila mi apil usab sa football contest.

Gawas niini, aduna pay daghan na interbensyon ang gina himo ang kapulisan sa alang sa ilang pag lambi sama sa School Monitoring, pag bisita sa tagsa-tagsa ka panimalay, ug paghatag og livelihood trainings sa mga ginikanan nila sa tabang sa Public Employment Services Office ug mga partnered agency sa PNP.

| Gen Alforque – CIO
📸| Pnp Panabo