September 5, 2022 — Gipangunahan nila City Administrator Pedrito A. Misoles ug CSWDO Department Head Chareina Joy G. Lacuin ang pag apud-apod sa kapin 3,000 ka mga bags ug school supplies gikan sa LGU Panabo alang sa 88 ka Day Care Centers sa siyudad gikan sa Central District, North District ug South District. Kini ilalom sa programa nga Tuloy-Aral Kaagapay sa Pag-aaral for the Day Care Children.

“Akong dakong pasalamat kay Mayor Jose E. Relampagos sa iyang padayon nga suporta sa tanan mga programa sa City Social Welfare Development Office (CSWDO). Sakto usab ang paghatag sa mga supplies tungod ugma na ang sugod sa pag-eskwela sa mga Day Care Centers sa Panabo,” sumala pa ni CSWDO Department Head Lacuin.

Gipaabot usab ni City Mayor Jose E. Relampagos ang iyang mensahi pinaagi kay City Administrator Pedrito A. Misoles nga ipadayon Mayor Relampagos ang iyang suporta ilabi na sa edukasyon tungod usa kini sa iyang prayoridad sa 10-point Executive Agenda nga Educational Support. “Ang mga Day Care Teachers aduna gayud Four Pillars of Education nga dapat hinumdoman sa pagtudlo sa mga studyante mao ang: “Learning to Know, Learning to do, Learning to Live and Learning to Be”, dugang pa ni Misoles.

Ang paghatag og supplies sa Day Care Centers usa ka programa sa CSWDO matag tuig aron dugang tabang sa mga ginikanan nga adunay kakulangan sa pinansyal labin na magamit sad kini sa mga bata alang sa ilang module.

Anaa sa programa ang presensiya ni CSWDO Child and Youth Section Head Melvina A. Domingo, Day Care Teachers ug mga ginikanan sa mga estudyante.

🖋️ MCG – PIRO / CIO Panabo
📸 Emanuel C. Pan – Multimedia / CIO Panabo