Disyembre 27, 2021 – Sugaton nga malipayon sa 16 ka pamilya sa Gawad Kalinga, Barangay Datu Abdul ang bag-ong tuig. Mahitungod gi turnover na ni City Mayor Jose E. Relampagos ang 16 ka mga balay alang sa mga benepisyaryo niini.

Ang tinguha ni Mayor Relampagos nga malinawon ang pamuyo sa mga benepisyaryo ug pagbaton og respeto sa katawhan ilabi na sa mga unang lumulupyo sa Gawad Kalinga. Iyaha usab nga gikalipay nga nakita ang mga batang mga baskog. Matod pa niya nga maayo ang pagpadako sa mga ginikanan ug nagpamatuod nga nindot ang relasyon sa matag pamilya nga lumulpyo sa Gawad Kalinga. “Ipadayon ninyo ang harmonious nga pamuyo diria, importanti nga maningkamot ta nga aduna tay trabaho alang sa atoang pamilya,” pahinumdom ni Mayor Joe.

Sumala pa ni Project Director Bernardo Rabanoz Jr. nga ang budget sa pagbuhat sa 16 ka panimalay gikan sa Lokal nga Panggamhanan ug gipangusgan ni Mayor Joe aron mahatag na kini sa mga benepisyaryo. Ang pag avail sa maong balay gi applayan nila ug mi agi sila sa mga seminars ug values formation. Ingon pa ni Rabanoz, “Once naa naka diria dili ka pwede mag inom, dili ka pwede adunay kawaay kay mao gyud na ang rason na mahawa mo diria.”

Dako usab ang pasalamat ni Antonia Canoy, naka benepisyo sa maong turnover kay aduna na siya’y tarong nga puluy-anan ug adunay malinawon nga komunidad ug silingan. Isip benepisyaryo andam siya nga mo sunod sa tanang angay buhaton aron mapatigbabaw ang kalinaw sa Gawad Kalinga ug mag perminti ang maayong relasyon sa matag silingan sa lugar.

Anaa usab sa turnover si City Councilor Emeterio Blase, Barangay Captain Allan Pangay, Gawad Kalinga Barangay Datu Abdul Chairman Leo Bragat, City General Services Office Head Madera Baustista, ug City Economic Enterprise Management and Development Office Head Nemesio Rasgo.

Gene A. _ CIO/PIRO
📸 Emman Pan