Bisan pa man sa hagit sa pandemya, dili kini babag sa pagkab-ot og katumanan alang sa 332 ka mga trainees sa Technical-Vocational Education and Training (TVET) sa Freedom Gym, Barangay New Pandan, Panabo City sa adlawng Disyembre 22, 2021.

Produkto sila sa libreng livelihood and skills trainings nga gipahigayon sa TESDA pinaagi sa Public Employment and Services Office (PESO) sa siyudad. Sa pagproseso sa lecture ug actual training, gibahin ang mga trainees sa duha (2) ka batch kada adlaw aron sa pagmintinar sa health protocols.

Mapasalamaton ang Lokal na Panggamhanan sa Panabo sa pakiglambigit sa TESDA sa pagpanghatag og takos na serbisyong pangkatawhan. “Kani nga programa makatabang sa tagsa-tagsang panginabuhi, thank you for this opportunity alang sa Panaboans,” ingon pa ni Executive Secretary Josie Mary Relampagos isip representante ni City Mayor Jose E. Relampagos atol sa kalihokan.

Mao kini ang mga programang gitanyag sa TVET:
– SMAW NCII
– Security Serving NCI
– Driving NCII
– Caregiving NCII
– Bread and Pastry Production NCII
– Massage Therapy NCII
– Masonry NCII
– Housekeeping NCII
– Cookery NCII
– Hairdressing NCII

Anaa sa kalihokan si PESO Manager Cherelle B. Espinosa, Supervising TESD Specialist Ruth R. de Castro, PMPC Chief Executive Officer Reynaldo T. Gulane, PESO Manpower Development Assistant Mitch D. Ramos, Training Director Dionisio M. Carampatan, mga school head/admin sila Joedilito M. Valiente, Ana B. Aguilar, Gracelda T. Pangatihon, Donnabel T. Libadisos, ug si Marevic C. Heumann.

l M. Lagura
Photos: Quinn Villahermosa