“Komunidad ay Pangalagaan, Pandemiya at Krimen ay Maiwasan”

Kini ang tema sa pagsaulog sa Crime Prevention Week sa tibook pilipinas kung diin gina selebrar kada unang semana sa bulan sa Setyembre.Sa Panabo City, nagsugod ang pagsaulog og motorcade nga gisalmotan sa mga opisyales ug empleyado sa DILG, PNP, BFP, City Mayor’s Office Public Order and Safety Section, KABALIKAT RECON, REACT, ug Panabo Eagles Club. Deretso sad ang mga partisipante nga nag tree planting og nanghinlo sa kilid sa kadagatan sa Panabo.

Sumala ni Panabo Chief of Police PLTCOL Ernesto M. Gregore nga adunay seminar gipahigayon alang sa mga CSU,TMU, ug mga Barangay tanod kabahin sa Warrantless of Arrest, Arrest, Special Laws, crime prevention tips, ug dugang pang kaalam bahin sa mga ordinansya sa Panabo City.

Gawas niini, adunay seminar alang sa PNP, BFP, BJMP, MARITIME, ug PNP 1108th kabahin sa “Enhanced Judicial Affidavit Making and Procedure of Filing of Cases ug Arson Investigation.

Gipahitabo usab sa BJMP Compound ang ZUMBA og Therapeutic Community Modality Program og Fire safety and Security Workshop to Business and Government Establishement alang sa mga CSU, Engineering Personnel, ug Business Sector aron malikay sa posibleng sunog ang mga nag unang establisyemento sa siyudad.

Sumala ni PNP Panabo Chief PLTCOL Ernesto Gregore sukad sa Pandemiya, ning naog ang kriminalidad sa siyudad apan kasagaran sa mga nadakpan karon kay ang mga tao nga nalambigit sa illegal nga droga. “Sa katong nalambigit sa illegal na droga, padayon among pagdawat sa mga mo surrender og sayo pa ma rehab,” dungag ni Gregore.

|Gene Alforque – CIO/PIRO
| 📸 – PNP PANABO