Gipahigayon ang unang adlaw sa Tulong Panghanapbuhay sa Ating Disadvantaged/Displaced Workers o TUPAD Payout Program adtong Oktubre 25, 2021 sa Barangay Tagpore, Upper Licanan ug Little Panay. Sa katibuk-an, adunay 159 ka benepisyaryo ang nakadawat og P3,960.00 matag usa. Alang kini sa ilang pagtrabaho sulod sa napulo (10) ka adlaw.

Ang TUPAD usa ka community-based package of assistance sa Department of Labor and Employment (DOLE) apil sa pakig-alayon sa Public Employment Service Office nga nagahatag og emerhensiyang trabaho alang sa mga displaced workers, underemployed ug seasonal nga mga trabahante.

Sa kalihokan, anaa si Senior Labor and Employment Officer Cherelle B. Espinosa, DOLE Administrative Section Elvira B. Tidalgo, DOLE Tupad Sector Jay Karlo F. Polinar, Social Welfare Aide Karen A. Malakingbato, Administrative Aide VI (Clerk III) Maritess C. Bernadas ug Executive Secretary IV Josie Mary G. Relampagos isip reperesentante ni City Mayor Jose E. Relampagos.

|Q. Villahermosa, CIO – Multimedia