Misalmot sa gipatawag nga meeting ug orientation for Safety and Health Protocols for Business Operations karong hapona sa Setyembre 25,2020 ang mga nagkalain-laing business store ug merchandise operators sa Panabo sa Panabo Gym, JP Laurel. Gipahibalo sila sa mga balaod sa Modified General Community Quarantine (MGCQ) lakip na ang pag implementa sa QR code system.
Sa pagkakaron, ang mga Authorized Persons Outside Residence (APOR) lang ang gitugotan mapasulod sa mga establishemento. Mao kini ang mga taong dili: (1) 21 anyos paubos, (2) 60 anyos pataas, (3) buntis, (4) adunay immunodeficiency, ug (5) adunay mga comorbities o mga critical na illness. Ang pagsunod niini alang sa kaluwasan kanila kung aduna may mogawas nga nagpositibo nga tao sa COVID-19 sulod sa establishemento.
Kung aduna may mamugos nga manulod nga dili APOR, gipahibalo ni PNP Deputy Chief PCADU Francis S. Caslib nga ipatawag sa establishemento ang PNP aron makatabang sa pagbadlong.
Sa ulahi, ang mga operators gipasabot sa Executive Order no. 53 ni Governor Edwin I.Jubahib bahin sa implementasyon sa QR code system.
Nanguna sa pagstorya si City Administrator Pedrito A.Misoles kauban sila Assistant City Health Officer Dr. Eranie L.Pangilinan, Licensing Officer Juliet Nacario, Information Technology Officer Honey Lou L.Danila, City Information Officer Michael Angelo A.Resueno, Legal Assistant Florabelle Sagot, ug Traffic Management Unit-Chief Alvin Ybanez.
Ang mga nisalmot na operatos gikan sa NCCC Choice Mart, Save for Less Marketing, G-Key Trading, 3F Fortune Shopping, Bright Buy Shopping, J4 Happy Mart, Lots for Less, Herlyn’s Store, Gaisano Grand Panabo, ug Central Warehouse Club.
| cio
