Gisugdan na sa unang 10 ka pamilya nga mga residente sa coastal area sa Barangay JP Laurel, Panabo City ang pagbunotay adtong Oktubre 22,2021 alang sa pagplastar sa ilang luna nga patukoran sa ilang bag-ong balay na itukod sa Barangay Katipunan.

Gipangusgan sa Lokal nga Panggamhanan na mahatagan na sila og luna aron maplastar ang mga pamilya nga apil sa 400 ka mga informal settlers sanglit hapit na ang pasko. Gisugdan kini aron ipahamtang ang mga proyekto sa mga barangay Cagangohan, San Pedro, ug JP Laurel sama sa; Pasalubong Center, Forest Park, ug uban pang development project nga buhaton sa LGU Panabo.

Si Executive Secretary, Josie Mary G. Relampagos kauban ang City Housing Section miduyog sa mga residente apil sa paghatag sa mga materyales nga gikan kay City Mayor Relampagos aron gamiton sa pagtukod sa ilang mga balay. Ingon pa sa Executive Secretary, naningkamot ang Opisina sa Mayor na maplastar ang mga informal settlers sa daling panahon aron usab magmalipayon ang ilang pagsaulog sa umabotay na pasko.

Mahinumduman nga gipirmahan ni City Mayor Jose E. Relampagos ang Deed of Absolute Sale sa 43,000 sqm. nga yutang napalit sa LGU Panabo sa Barangay Katipunan nga nag kantidad og P18,387,650 alang sa mga informal settlers sa Barangay Cagangohan, San Pedro, ug JP Laurel adtong October 4,2021.

| I.Balogbog, CIO-PIRO