Oktubre 21, 2021 — Nag aso-aso pa nga gi haon sa Ata Manobo Tribe sa Barangay Lower Panaga ang ilang gipasigarbo nga ginataang bak-bak (baki) sa kompetisyon sa Lutong Tribu atol sa pag selebrar sa 10th Buwan ng Tribu. Ang ginataang Bak-abk giluto sa gata nga gipakuluan sa sulod sa kawayan og diin ibutang usab kini sa nag baga nga kalayo. Ang maong putahi walay sagol nga artificial seasoning og lutong natural lamang.

Matod pa ni Reynard Engada,Local Youth Development Office in-charge ug hurado sa maong kompetisyon, nga first time niya nga maka tilaw og (Baki) nga ginaluto sa maong pamaagi ug dili kini ang kasagarang baki nga ginaluto nga makit-an sa humayan. “Amazing kaayo ang culture and delicacies sa Ata Manobo Tribe diri sa Brgy. Lower Panaga,” dugang pa niya.

Sa Tribung Mandaya ilang gipasigarbo ang ilang Pinaupong Manok nga gipakuluan sa kawayan sa pipila ka minuto, ang tanang rekadus niini anaa sa sulod sa manok og pakuluan usab kini sa pipila ka minuto. Gawas sa mga tribung linutoan, adunay mga kakanin nga gi andam alang sa hurado ug bisita. Sumala pa ni City Tribal Chieftain Bae Merlinda Aranar, perminti ang supporta ni City Mayor Jose E. Relampagos sa tanang kalihokan sa mga tribu sa siyudad. Ingon pa niya, “Kita nga mga tribu kinahanglan mag dinawaton ta, kay gi himo ta kay gi himo ta aron magkahiusa.”

Gawas niini nagpasundayag usab ang duha ka tribue sa Tribal Attire ug Sayaw sa tribu. Pagahitaboon ang Culmination Program sa Oktubre 27 diria usab ipahibalo ang mga tribung dumadaog sa matag kompetisyon nga gipahigayon sa Buwan ng Tribu 2021.

| GeneRose Alforque
📸 | M. Gentiles