Agosto 12, 2021 — Gipasundayag sa mga kabataan sa Panabo City ang ilang mga talento sa pagpinta pinaagi sa gipahitabo nga Pinta PanaboJuan subay sa pagselebrar sa Linggo ng Kabataan 2021 sa Parks and Plaza, Panabo City. Ang maong mga artworks subay sa tema nga “Transforming Food Systems: Youth Innovation for Human and Planetary Health.”

Ingon pa ni Maria Christina Layao Amoncio nga taga Barangay Gredu nga nalipay siya kay gipahigayon ang kalihokan sa lokal nga panggamhanan aron mapakita nila ilang mga talento. Dugang pa niya, “Aside sa makulbaan ka magpinta, naa ang kakulba sa pag-atubang sa mga hurado aron ipresenta ang among mga obra apan nalipay ko na nakasugakod ug nahuman ra gyud nako.”

Gipahigayon ang kalihokan pinaagi sa Local Youth Development Section ilawom sa Opisina ni City Mayor Jose E.Relampagos aron sa pagselebrar sa tuigang Linggo ng Kabataan 2021.

Opisyal nga hurado sila PESO Manager Cherelle B. Espiñosa, Tagum City Visual Artist Guild PINTAGUM President Kenneth Von Villa, ug Tourism Officer Allan Roy Gencianos.

Ang anunsyo sa mga mananaog mahitabo karong Agosto 13,2021.

|Ivory Dawn Balogbog, CIO-PIRO
📸| F. Paculanang