Gipasundayag sa mga kabataan sa Panabo City ang ilang mga ideya sa gipahitabo nga Project Proposal Making 2021 subay sa pagselebrar sa Linggo ng Kabataan 2021 “Transforming Food Systems: Youth Innovation for Human and Planetary Health”. Ang madaog mamahimong pinakaunang proyekto nga hatagan og budget ilawom sa City Mayor’s Office (CMO) pinaagi sa Local Youth Development Office (LYDO).

Namugna ang maong kompetisyon aron mapresenta sa mga hurado ang mga planong proyekto sa noybe (9) ka mga grupo sa mga kabataan nga adunay dahom nga makatabang sa komunidad ilabi na sa mga kabataan sama sa AdhiKAIN: Fish Wastes as Organic Fertilizers for Cost-Efficient Farming using the Aquaponics System, Vertical Hydroponic Farming System, ug Youth Income-Generating Project.

Sa panayam kay LYDO Coordinator Reynard C. Engada sa RaJOE Serbisyo Program nga supportado ang mga kalihokan kabahin sa mga kabatan-onan ni City Mayor Jose E. Relampagos tungod nga ang kabataan ang musunod nga mga lideres sa siyudad sa Panabo.

Ingon pa sa usa ka grupo nga sila, Kenneth Jie L. Digal, Mitz Q. Celmar, ug Hiel Dan L. Dulalas nga dako ilang pasalamat sa lokal na panggamhanan sa pagpahigayon sa maong kompetisyon ilabi na sa Local Youth Development Office nga kini makahatag og dugang kompyansa sa sarili isip kabataan ug mapakita nila ang ilang mga abilidad. “Dili lami ang pagbuhat og proyekto nga insakto na mauyonan sa mga hurado apan pinaagi samong pagtinabangay, natapos namo kini ug napahayag kanila,” ingon pa ni Celmar.

Opisyal na hurado sila National Youth Commission Region XI Cluster Head Mayjee A. Dela Cruz, City Administrator Pedrito A. Misoles, City Budget Officer Joven M. Sepe, City Planning & Development Coordinator Dr. Joseph Raymund A. Sumabal, Provincial Sangguniang Kabataan Federation President Hon. Emerson Dave A. Silutan.

|Ivory Dawn Balogbog, CIO-PIRO
📸| F.Paculanang