Mayo 25, 2021 – Padayon na ginabuhat ang Kabataan Kontra Droga at Terorismo (KKDAT) sa Barangay Kauswagan ug Kasilak pinaagi sa pagpanguna sa PNP Panabo-Provincial Community Affairs and Development Unit (PCADU). Ginabuhat ang maong lakang para ma edukar ang mga kabatan-onan sa hinungdan ug epekto sa paggamit sa illegal nga droga ug paglikay sa mga aktibidades sa terorismo. Kini naka base sa EO 70 ni Presidente Rodrigo R.Duterte to End Local Communist Armed Conflict o ELCAC.

Sumala pa ni Kapitan Hon. Joey C. Amor sa Barangay Kauswagan nga magmatngon dapat ang mga kabatan-onan kay dako ang posibilidad nga sila ang sunod nga mamahimong lideres sa katilingban. “Maningkamot mo mga kabataan kay dako pa ang inyong atubangon nga ugma aron ang inyong kaugmaon mamaayo,” dungag pa ni Amor.

Matod pa sa usa ka partisipante na si Regine Jane P. Asumbrado, “Thankful ko as a youth kay gihatagan ko og higayon sa mga ingon ani na aktibidades. Daghan ko og na-learn ug unta magamit pod sa uban among na-learn kay lifetime ni siya nga lesson.”

Padayon ang kampanya sa KKDAT sa uban pang barangay sa siyudad sa Panabo.
|MJ CURAMING
📸 | GENEVIEVE ROSE ALFORQUE