Highlight sa ikatulong adlaw ang mga pa-kontest na gihatag sa City Agriculture Office alang sa mga mag-uuma sa siyudad diin gipahitabo sa Panabo Gym Grounds adtong Oktubre 11, 2022.

Gipasundayag sa matag mag-uuma ang ilahang kaugalingong tanom na gulay sa criteria nga gibug-aton ug gitas-on sa PINAKA CONTEST, aduna usab Crop Exhibition, ug Organic Agriforum.

Sa Agriforum mismong sila DA-XI-OADP Focal Person Catherine Mae Pepito, PAGRO OADP Focal Wilyn Espra ug Juna S. Sanchez, R.A ang mihatag og pagpa-ambit sa mga mag-uuma aron sa dugang nga kaalam mahitungod sa mga tamang pamaagi sa pag-amoma sa tanom.

Sa susamang adlaw Gisugdan usab ang pag hukom sa mga tulonghaan nga mipartisipar sa Containerized Garden Contest. Nagpatilaw usab ang DAVNOR Quality Rabbit Meat Producers Association sa ilahang talagsaong Sinugbang Rabbit.

Nagpaabot og mensahe si City Mayor Jose E. Relampagos nga, “Nagpasalig ko nga mo-suporta kaninyo (mag-uuma). Prayoridad nako kamo tungod sa inyong bili na makahinungdanon. Ipadayon nato ang nasugdan og magtinabangay kitang tanan.”
Dili lamang kalingawan ang dala sa CAGRO sa mag-uuma, diin anaa sad silay gipang apud-apud nga mga libreng seedlings, fertilizer ug mga gamit pang tanom.
Nakigsaulog usab sa Adlaw sa Mag-uuma si City Councilor Hon. Sherlou Bangoy nga Committee Chairman on Agriculture.

#10thBinuligFestival2022
#ServicetoPanaboansServicetoGod

| M. Gentiles
📸 R. Cayas