Oktubre 12, 2022 – Nahuman na ang usa ka adlaw na face to face job fair na hatod sa Lokal nga Panggamhanan pinaagi sa Public Employment and Services Office (PESO) ngadto sa Gaisano Grand Mall of Panabo.

Swerteng nakuha sa 16 ka mga aplikante ang posisyon human sila gipili isip mga trabahante sa mismong kompanyang gi-applyan.

Adunay 21 ka mga mipartisipar na mga employers sa nagkadaiyang opisina, 11 niini ang Local Employers, upat (4) ang Overseas, ug unom (6) ang National Government Agencies.

Ingon pa ni Labor and Employment Officer I Kier Jay S. Balingan na ang maong aktibidad nakatabang sa lokalidad na mapangusgan ang koneksyon sa mga kompanya o ahensya, “Ang Binulig is abunda. So abunda ang job openings nato karon para sa katawhan tungod sa mga ahensya nga nakiglambigit kanato.” Nagpaabot usab si Balingan og pagbati sa mga misalmot ilabi na sa mga nadawat, “Congratulations! Nagmalaumon ko na mas manindot ang inyong panginabuhi isip kamo ang napili. Paningkamot mo para sa kalamboan.”

Ang mga HOTS o Hired-On-The-Spot mao sila:
📌Wilmer Quibol
📌Joan H. Torres
📌Rhea Jumarito
📌Joniere G. Baguio
📌Charie Mae G. Tanguan
📌Rhemar Silvano
📌Dave D. Mejorada
📌Marikit Lagura
📌Khanisshan C. Panes
📌Arceneth B. Pagcas
📌Sherwin Guigue
📌Rafe Alcisto
📌Owen A. Cartagena
📌Vermie V. Rosialda
📌Roche Amore Dadole
📌Stephen Dorlones

Sa parehong adlaw usab nagpahigayon og Livelihood Training ug Entrepreneurship Seminar para sa Rellenong Bangus ug Banana Chips Making sa Bulwagan ng Karunungan Center, Old City Hall Building alang sa mga interesadong indibidwal.
Ang kalihokan gipahitabo atol sa ika-10th Binulig Festival sa siyudad na adunay temang, Pakigtambayayong, Panaghiusa, Pagkugi, Ipasigarbo, Progresibong Panabo!”
Duyog sa kalihokan si City Administrator Pedrito A. Misoles isip representante ni City Mayor Jose E. Relampagos, PESO Manager Cherelle B. Espinosa, mga miyembro sa Pag-Ibig Fund Panabo, SSS Panabo, ug mga PESO staff.

lM. Lagura
Photos: R. Cayas