September 30, 2022, Sadya nga gi-selebrar ang Clustered-High Value Vegetables Production Harvest Festival 2022 kauban ang mga partisipante nga mga mag-uuma sa mga nagkadaiyang barangay sa siyudad sa Panabo sa Barangay San Nicolas nga gipasiugdahan sa Lokal nga Panggamhanan pinaagi sa City Agriculture Office (CAGRO) kauban ang dakong suporta ni City Mayor Jose E. Relampagos.

Kini nga programa sa CAGRO gipahitabo alang nga matabangan ang mga farmers o mag-uuma nga mahatagan sila og mga semilya sa mga gulay nga libre. Usa kini ka intervention sa CAGRO aron sila mahatagan og sumbanan gikan sa input o sa paghatag sa semilya hangtod sa output nga mao ang pagbaligya apil na ang pagmonitor sa mga farmers sa ilang mga ani. Adunay mga gipa raffle nga mga working boots, semilya, ug abuno nga maoy nakapabibo sa mga farmers.

Si Chairperson Brian Reyes sa Kalambuan Pinaagi Sa Kaumahan Farmers Association (KAPIKA) mihatag og mensahe kung diin siya nagpasalamat sa suporta ni Mayor Joe. “Our farmers are heroes feeding economy to our nation, pasalamat ta kay aduna ta’y amahan sa lungsod nga nagalantaw sa mga farmers sa atong siyudad labi sa KAPIKA.”

Sa maong kalihokan, anaa sila Assistant Agriculturist Rolando Tuazon, Sr. Agriculturist Reynaldo Agorde, Barangay Kapitan Angelita Rosel KAPIKA members, barangay opisyal, ug mga partisipante na mga mag-uuma sa siyudad sa Panabo.

✍️Dolly Amag, CIO-PIRU
📷F. Paculanang, CIO-Multimedia