Dala ang kinakusgang dance routine ug garbo sa ngalan sa siyudad, nagpakitang-gilas ang lima (5) ka grupo sa panag-indigay na Cheerdance Competition adtong Disyembre 17, 2022 sa Freedom Parks and Plaza, Barangay New Pandan, Panabo City.
Hugyaw na misayaw sila sa gi-andam na dance choreography ug dance techniques na gipakita sa mga hurado. Gilingaw usab nila ang mga mananan-away sa ilahang “cheer” diin nakisabay ang Panaboans.
Sa ulahi, nakamit sa Android Cheer Revolution (General Santos City) ang kampeonado, Tagaloan Community College Pep Squad (Misamis Oriental) sa 1st runner-up ug Madayaw Cheer Revolution (Davao) sa 2nd runner-up. Samtang anaa sa last place ang mga grupong Androids Ignite (Cotabato) ug Bananoy Magnate All Stars (Panabo). Nakuha usab sa Android Cheer Revolution ang Best in Costume ug Best Choreographer.
Ang kalihokan nahimong posible tungod sa programa sa City Mayor’s Office pinaagi sa City Sports Development Program ug sa pakig-alayon sa Local Youth Development Office ug City Tourism Promotion Section. Congratulations, winners!
