October 5,2021 — Nagpahigayon ang buhatan sa City Agriculture’s Office og mga kalihokan sama sa Spoken Poetry ug Singing Contest alang sa mga mag-uuma para sa “Adlaw sa Mag-uuma” sa 9th Binulig Festival. Ang mga partisipante kay mga anak sa mga mag-uuma apil na mismo ang mga mag-uuma na mapasundayag ang ilang mga talento ug mapasigarbo ang ilang mga kahanas.

Ang mga mananaog mao sila:
SPOKEN POETRY
First Placer – Jenny R. Icalina
Second Placer – Creselda A. Magadan
Third Placer – Nelma G. Loja

SINGING CONTEST
First Placer – Christopher B. Sayson
Second Placer – Mae Belle S. Raper
Third Placer – Gloria Jamora

Ang mga mananaog makadawat og P4,000.00 alang sa first placer, P3,000.00, P2,000.00 alang sa second ug third placer. Samtang ang wala makadaog makadawat og P1,000.00 consolation prize.

Lima (5) ka partisipante sa singing contest nga sila mismo naghimo sa maong lyrics sa ilang kantahon ug adunay ka (3) parsipante sa spoken poetry.

Matod pa ni Focal person Teresa B. Balmores sa City Agriculture’s Office nga dako kining challenge kanila tungod una nila nang higayon nga magmugna sila og kalihokan nga mapasundayag ang talento sa mga mag-uuma. Dugang pa niya “Innovation namo kini sa City Agriculture’s Office aron usab ma showcase o mapahayag nila ang ilang mga abilidad — something unique and challenging kanila.”

Dako usab ang pasalamat sa usa ka partisipante nga napasigarbo ang iyang kakayahan bisan paman anaa ang tanan sa pagsagubang sa pandemya. Ingon pa ni Nelma Mae Loja, 21 anyos, nga taga Barangay New Malitbog, “Amidst pandemic, nahatagan mi sa LGU Panabo og higayon ug bili isip mga apo ug anak sa mag-uuma.”

Opisyal na hurado sila Peter A. Mijares ug Reynaldo C. De Ocampo nga nag-gikan sa DepEd Panabo, Engr. Rejino Oroz sa USEP Tagum ug Merlina H. Juruena, Phd.

Ang maong kalihokan subay sa 9th Binulig Festival 2021 nga adunay temang: “Pagpasalamat. Panaghiusa. Pagbarog Luyo sa Pandemya. Panaboans, Duyog Ta!”

Limitado lamang ang partisipante ug nagsunod gihapon sa IATF protocols aron makalikay sa hulga sa COVID-19.

| Ivory Dawn Balogbog, CIO-PIRO
|📸 F. Paculanang