Sa adlawng Hunyo 11,2020, 13 ka mga OFW ang nahatagan sa Overseas Workers Welfare Administration (OWWA) og cash assistance for livelihood pinaagi sa “Balik-Pinas Balik-Hanapbuhay” Program nga gipahigayon sa PESO Panabo.
Ang “Balik-Pinas, Balik-Hanapbuhay Program” sa OWWA motabang sa mga OFWs nga biktima sa illigal recruitment, human trafficking, gyera o politikal na panagbangi sa gi trabahoan nga nasod, medikal nga rason, ug uban pang makaguol nga sitwasyon sa pagpanarbaho sa laing nasod.
Ang cash assistance mo depende sad sa aktibo ug dili aktibo nga mga myembro. Matod pa ni Project Evaluator sa Regional Welfare Office Katrina May M. Famador, “Makadawat og P10,000 alang sa mga dili aktibo nga miyembro pero more than once na nagbayad og membership ug P5,000 alang sa mga miyembro na nagbayad ug kaisa, ug P20,000 usab ang madawat alang sa mga aktibong OWWA na miyembro.”
Ang “active” miyembro kay ang mga nagabayad og OWWA membership taga-uli sa Pilipinas gikan mahuman ilang kontrata ug “non-active” usab ang tawag kung ni hunong na o wala na nagabayad ug OWWA membership.
Para maka benepisyo sa programa, gina awhag lang nga magdala sa ilang passport, travel document, mga certification ug settlement gikan sa embahada kung adunay ginabayaran. Kung adunay medikal nga rason pag-uli, magdala lang og medical report nga gi isyu sa abroad ug lokal.
Alang sa dugang pangutana, kontaka si Katrina May M. Famador sa numero 09129316197
