Daw “festival” ang itsura sa pagpangandam sa mga opisina sa gobyerno sa pinakaunang LAMDAG Exhibit of Government Services sa Gaisano Grand Mall of Panabo para karong Agosto 24, 2022. Opisyal nga ma-abrihan ang tulo (3) ka adlaw nga pagpasundayag sa mga opisina sabay sa programa sa Press Freedom Celebration.

Adunay mga information materials ug ubang kalingawan ang gi-andam alang sa publiko aron nga malamdagan sila sa mga programa ug serbisyo sa 14 ka mga opisina: City Mayor’s Office, City Administrator’s Office – Iskolar ng Lungsod, Public Employment Service Office, Tourism Promotion Office, Gender and Development, City Health Office, City Environment and Natural Resources Office, City Agriculture’s Office, ug City Disaster Risk Reduction Management Office. Aduna pud mga opisina ilawom sa national government sama sa Bureau of Fire Protection, DA-Agricultural Training Institute XI, Department of Agrarian Reform, Department of Education, PNP, ug Coast Guard.

Pwede mabisitahan ang maong exhibit gikan Agosto 24 hantod Agosto 26, 8:00 am – 5:00 pm. Nanguna sa kalihokan ang City Information Office ug City Library dala ang suporta ni City Mayor Jose E. Relampagos, Governor Edwin I. Jubahib, Gaisano Grand Mall of Panabo, ug Provincial Information, Communications, and Knowledge Management Office (PICKMO).

| CIO
Click link: https://bit.ly/3pE6ebb