August 17, 2022- Nagpahitabo og Civil Society Organization (CSO) Conference ang Lokal nga Panggamhanan pinaagi sa pakig-alayon sa DILG. Gipahigayon kini sa Panabo Multipurpose Tourism, Cultural, and Sports Center.

Atol sa kalihokan, nagpahitabo og mga diskusyon kabahin sa importante nga mga punto sama sa akreditasyon sa mga CSO. Ang akreditasyon usa ka rekisitos aron maapil sila sa Local People Council (LPC) sa siyudad diin ang LPC inubanan sa Sangguniang Panlungsod ang hinungdan aron maapil sila sa Local Special Bodies (LSB). Ang opisyal na miyembro sa LPC ibutang sa nagkadaiyang grupo ubos sa LSB, depende sa kamahinungdanon sa organisasyon. Ang Sangguniang Panlungsod mao ang manguna sa akreditasyon sa mga CSO.

“Gusto sa DILG National na dapat naay participation ang CSO sa atoang governance which means pag-active sila sa LGU o kanang maapil na sila Local People Council, kung adunay silay mga programa o project plans, pwede nila nang maduso sa LPC,” butyag pa usab ni CSO desk officer Reynard Engada. Pahimangno usab ni Engada na saiyaha magpasa og mga rekisitos para sa akreditasyon sa mga organisasyon.

Alang sa mopasa sa maong rekisitos, bisitaha ang opisina ni CSO Desk Officer Reynard Engada nga anaa sa 3rd Floor, LYDO Office, Panabo City Hall sa dugang na detalye.

Anaa usab sa kalihokan si City Councilor Dizon Namuag, Local Government Operations Officer Yolanda Balana, ug mga nagkalaing miyembro sa Civil Society Organizations.

lM. Lagura
Photos: E. Pan