Agosto 24, 2021 — Nagpahigayon ang City Social Welfare and Development Office (CSWDO) og distribution of school supplies sa Panabo City Hall Lobby ilawom sa programang Tuloy Aral at Kaagapay sa Pag-aaral for Day Care Children para matabangan ug ma-ingganyo ang mga kabataan sa pag-eskwela. Sa upat katuig kining gipahigayon, ang indigent day care center nga mga kabataan ang padayon nga makabenepisyo sa programa.

Sumala pa ni Panabo City Day Care Workers Teachers Association President Leah M. Tonog nga makatabang kaayo kini alang sa mga bata. Dako kining kalipay nila hilabi na sa ilang mga ginikanan kay naa silay libreng bag nga madawat nga adunay sulod nga mga school supplies. Dugang pa niya, “Bisan pa walay face to face nga klase tungod sa pandemya, dako gihapon kining tabang sa mga bata sa pag-answer sa ilang worksheets o modules. Mapasalamaton usab mi kay City Mayor Jose Relampagos kay dili gayod mi niya kalimtan kanunay.”

Adunay 3,000 ka mga benepisyaryo ang makadawat niini nga bahin-bahinon sa 88 nga mga Day Care Centers nga naggikan sa South, North ug Central Districts. Dili man mahatagan tanan kay aduna ray 34 ka mga bags matag Day Care Center. Siguraduhon sa mga maestra nga mahatag ang mga school supplies sa mga bata tungod walay pampalit ang mga ginikanan nila.

Nitambong sa maong kalihokan sila Executive Assistant IV Josie Mary Relampagos, Social Welfare Officer III Melvina Domingo, Banwag Focal Person Allan Sarabia, ug Personal Assistant ni City Mayor Jose E.Relampagos Roy Vicilla.

| Tim Acebedo, CIO-PIRO