Gibida sa mga mag-uuma ang ilang mga pananom sa “Adlaw sa Mag-Uuma” subay sa 9th Binulig Festival sa Panabo Gym Grounds adtong Oktubre 6,2021.

Gawas sa mga pagpasundayag sa mga pananom (crops), gihatagan usab silag kalingawan pinaagi sa inisyatibo sa City Agriculture’s Office nga nagpahigayon og mga padula alang sa mga mag-uuma apil na sa ilang mga pamilya.

Tataw ang kalipay sa mga mag-uuma nga nahatagan silag higayon aron sa pagsadya. Ingon pa ni Lolita Bazar nga taga Southern Davao, “Sa kalisod sa panahon dako among pasalamat sa lokal nga panggamhanan sa ilang pagtagad ug pagtabang kanamo sa kanunay.”

Kanunay ang suporta sa City Mayor’s Office pinaagi sa City Agriculture Office diin karong Oktubre 7, 2021 pagahitabuon na sab ang “Adlaw sa Mag-Uuma” alang sa mga livestocks sa mga local farmers sa siyudad sa Panabo.

Ang maong kalihokan subay sa 9th Binulig Festival 2021 nga adunay temang: “Pagpasalamat. Panaghiusa. Pagbarog Luyo sa Pandemya. Panaboans, Duyog Ta!”

Limitado lamang ang partisipante tungod sa pagsunod sa IATF protocols aron makalikay sa hulga sa COVID-19

| Ivory Dawn Balogbog, CIO-PIRO
Photos | Romel Cayas