Agosto 27, 2021 – Opisyal nang natapos ang 5-day Disability Awareness and Sensitivity Training (DAST) alang sa mga Persons With Disabilities (PWD) sa Barangay Gredu Gymnasium, Panabo City. Sa DAST, gipangusgan ang pag-ila sa mga miyembro sa PWD sa ilang balaod ug mga katungod. Sa lima ka adlaw, adunay mga partisipante gikan sa mga naglain nga barangay:

Agosto 13- Barangay New Visayas
Agosto 16- Barangay DAPCO
Agosto 20- Barangay Tagpore
Agosto 23- Barangay Cacao
Agosto 27- Barangay Gredu

“Most of the issues and concerns nga nakita namo dili fair ang distribution nga para sa PWD, unta maconvince ug magamit ang kwarta nga para sa ila pinaagi sa maayo nga plano sa mga barangay,” butyag pa ni Disability Affairs Officer I Myla Villa M. Aquino. Awhag niya sa mga PWD officers sa matag barangay nga mas magmatuto sa panginahanglan sa ilang mga miyembro. “Hopefully after sa mga trainings, adunay consultations aron mas mapahan-ay ang mga plano para sa kaayohan sa PWD.”

Ang maong kalihokan subay sa 43rd National Disability Prevention and Rehabilitation Week nga adunay temang, “Kalusugan at Kaunlaran ng Pilipinong May Kapansanan, Isulong sa Gitna ng Pandemya.”

Duyog sa programa si Executive Secretary Josie Mary G. Relampagos isip representante ni City Mayor Jose E. Relampagos, City Councilor Hon. Flopone Royle Catalan, mga personahe sa City Social Welfare and Development Office (CSWDO) na sila Disability Affairs Officer 1 Myla Villa M. Aquino, Social Welfare Officer I Juvelyn Alamban, Chris Mariell Alejdo, Shannel Q. Gutierrez, ug Tebow Cure Hospital Consultant Araceli M. Layog.

Alang sa pagpamiyembro sa Persons with Disability Association, magdala lamang og Medical Certificate ug Barangay Certificate ug mamahimong moadto sa ilahang opisina nga nahimutang sulod sa Office of the Senior Citizens Affairs Building luyo sa Panabo Bus Terminal, New Pandan, Panabo City.

l Margot Lagura, CIO PIRO