GISIBYA na sa Facebook pages sa DepEd Philippines ug DEPED Region XI ang programang’ PanaboONE sa DepEd ONSE Season 2 adtong Agosto 28,2021. Sa usa pa lang ka adlaw, ni abot na og 43K ang viewership sa programa.

Sa post ni DepEd XI Regional Director Allan Farnazo, iyang gipakita ang screenshot sa iyang interview sa programa nga adunay 3K viewers. Ingon pa niya, “This is the peak of the broadcast in terms of real-time viewers.” Iyang gihatagan og pasidungog ang mga teachers nga nagpadayon sa pagserbisyo taliwala sa pandemiya.

Iyaha pud gipasalamatan ang liderato ni Schools Division Superintendent Dr. Reynante A.Solitario sa kamaayo sa programa labi na ang mga leksyon nga nakutlo niini.

Ilang gipakita sa DepEd ONSE ang mga maanindot nga lugar sa Panabo City, ang mga kabag-ohan nga namugna sa mga eskwelahan alang sa serbisyong edukasyon, ang kinabuhi sa mga teachers sa panahon sa pandemiya, ug uban pa.

Gawas sa Regional Director, adunay mga taga laing dapit sa nasod nga naghatag og timbaya ug dayeg sa Panabo City Division sa ilang programa.

Mahinumdoman nga sa Season 1 sa DepEd ONSE, ang Panabo City Division ang nakakuha sa pinakataas nga viewership gawas sa pipila ka division offices sa Rehiyon sa Davao.

Alang sa tibook nga programa, pwede kining makita dinhi 👉🏼 https://fb.watch/7FpUTx-NlI/

| city information office