MGA SENIOR CITIZEN SA PANABO NAKAPAHIMULOS SA MEDICAL MISSION
Ang Lokal nga Panggamhanan sa Panabo (LGU-Panabo) pinaagi sa City Social Welfare and Development Office (CSWDO) Panabo City Senior Citizens Association nagpahigayon og medical mission alang sa mga senior citizen sa syudad niadtong Agosto 30, 2019 sa Panabo Gym.
Sumala ni CSWDO Head Chareina Joy G. Lacuin, kapin lima ka gatos (500) nga senior citizen gikan sa 40 ka barangay sa syudad ang nakapahimulos og libreng medical check-up, cataract screening, dental screening ug bukol screening.
Sa maong outreach, nagkalain-laing pribadong balay tambalanan sa syudad ang misalmot sama sa Panabo Polymedic General Hospital ug Zafra Medical Clinic.
Katimbang sa pagpahigayon sa programa mao ang Department of Social Welfare and Development Region XI (DSWD XI) ug Panabo City Health Office.
“Mapasalamaton kami nga mga senior citizen sa mga libreng kaayohan ug check up,” matod ni Diosdado Jaictin, Senior Citizen Federation President. Dugang niya gikinahanglan gayod sa mga edaran nga tagaan ug pagtagad ang maayong panglawas.
Katimbang sa pagpahigayon sa programa mao ang Department of Social Welfare and Development Region XI (DSWD XI) ug Panabo City Health Office.
“Mapasalamaton kami nga mga senior citizen sa mga libreng kaayohan ug check up,” matod ni Diosdado Jaictin, Senior Citizen Federation President. Dugang niya gikinahanglan gayod sa mga edaran nga tagaan ug pagtagad ang maayong panglawas.
