Gipahitabo usab sa Lokal nga Panggamhanan sa Panabo, pinaagi sa City Anti-Drug Abuse Council, ang Simula ng Bagong Kinabukasan Para sa mga Reformista (SIKAP) Program sa mga barangay Cacao, Kauswagan, Malativas, Katipunan, ug New Pandan adtong Mayo 24, 2021 sa gymnasium sa matag barangay. Ang kalihokan usa ka lakang sa LGU aron magiyahan ang mga Voluntarily Submitted for Reformation (VSR) nga mopalayo na sa illegal na droga.

Ang mga gihisgutan sa programa kay: mga Effects on Dangerous Drugs to Human Body, The Importance of Change, Coping with Cravings and Managing External Triggers, ug uban pa.

“Ang gihimo sa atong gobyerno karon, hatagan ang atong mga (VSR) og intervention programs aron dili na sila ma-involve to illegal drug activities,” saysay pa ni CADAC Action Officer Roqueos L.Cimafranca.

Matod pa sa usa ka partisipante, dili na niya gusto mogamit pa aron makalikay siya sa posibleng disgrasya. “Bale gusto nako mag bagong buhay ug gusto nako malayo sa droga aron dili maguba among pamilya,” dungag pa niya.

Gawas niini, adunay mga workshop ug seminar ang gihapahigayon sa CADAC Panabo alang sa mga nitambong sa maong kalihokan.

Pinaagi sad kini sa pakig-alayon sa DAVNOR CBRP-IMS Katatagan Kontra Droga sa Komunidad (KKDK).

| Sonny L. Calizar, CIO – PIRO