Padayon ang pagpanghatag og libreng serbisyo sa kabarangayan sa Panabo aron mapaabot kanila ang nag-unang libreng serbisyo sama sa check-up, tambal, seeds, libro, Rehistro, Libro, ug uban pang nag unang serbisyo.

“Ubay-ubay ang nahatagan og tambal karon nga available sa atoang programa nga gi resita sa atoang doktor,” matod pa ni Program Coordinator, Rian Ramos. Mahitungod kini nga daghan ang nagpahimulos sa libreng check-up ug tambal nga gipahigayon sa City Health Office.

Sa laing bahin, upat (4) ka klase sa seedlings ang gihatag sa City Agriculture’s Office ilalom sa ilang Luntiang Pamumuhay Program sama sa pechay,kangkong, sitao, ug kalabasa nga pwedeng matanom sa nagkadaiya nilang mga luna. Aduna usab silay libreng fertilizers. Tumong nila kay mosustena ang pagkaon sa matag panaboan luyo sa Pandemiya.

Magpadayon ang pagpanghatag og libreng serbisyo sa Barangay San Francisco karong Mayo 28,2021. Gi awhag ang tanan nga musalmot nga mag sout og facemask sunod sa health protocol batok COVID19.

|Gen Alforque- CIO
📸- Aljun Castilla