Hulyo 20, 2021 – Graduate na ang 42 ka mga Voluntary Surrender for Reformation o VSR sa Barangay Malativas sa Community-Based Rehabilitation Program nga gi-organisa sa City Anti-Drug Abuse Council nga gipangulohan ni City Mayor Jose E.Relampagos ug sa iyang pakig-alayon sa Philippine Drug Enforcement Agency (PDEA).

Ang Community-Based Rehabilitation Program usa ka pamaagi sa gobyerno aron mahatagan og pagbag-o ang mga indibidwal gikan sa ilang paggamit sa illegal nga droga.

Mensahe pa ni City Mayor Relampagos sa mga VSR graduates, “Luoy inyong mga pamilya kung dili mo mag bag-o ug magpadayon mo sige og gamit og illegal nga druga. Dili ko gusto nga makita nako mo nga masulod sa presohan kay pait kaayo ang kahimtang malayo sa pamilya.”

Sumala pa sa usa ka VSR Graduate, “Dili gyud maayo nga mo sulod ta aning butanga kay maka daot kini sa atong kinabuhi, labi na nga ma usab gayud atong pang huna-huna kung maka gamit kita og illegal nga droga.”

Anaa usab sa Graduation Ceremony sila DILG-City Local Government Operations Officer VII Danilo M. Hernandez, Chief of Police PLTCOL Atty. Verna L. Cabuhat, City Councilor Hon. Emeterio Blase, CADAC Action Officer Roqueos L. Cimafranca, Brgy. Captain Lilibeth T. Albit kauban iyang mga konsehales sa Barangay Malativas, mga personahe sa PDEA, ug si Pastor Lanny S. Porcalla.

| M. Gentiles
📷 A. Castilla