Misalmot ang 41 ka indibidwal sa gipahigayong Mobile Blood Donation Program sa Lokal nga Panggamhanan sa Panabo pinaagi sa City Health Office sa Barangay JP Laurel adtong Pebrero 17,2022.

Ang programa usa ka adapsyon gikan sa Department of Health (DOH) nga nagpasiugda sa boluntaryong donasyon sa dugo isip pamaagi aron makakuha og dugang suplay sa dugo nga makasustina ug makatabang sa pagluwas sa kinabuhi sa mga tawo nga nanginahanglan og dugo.

Sumala pa ni Roselyn Barquin, residente sa maong barangay, nga kanunay gyud siya mag donate og dugo isip tabang sa mga nanginahanglan. Ingon pa niya, “(Kung) manginahanglan og dugo among pamilya, aduna miy makuhaan.”

Sa tuig 2022, nag target ang CHO og 2% sa katibuk-an nga populasyon sa Panabo nga mag donate og dugo.

Sunod bisitahon sa CHO alang sa MBD kay ang Barangay Mabunao karong Martes, Pebrero 22, 2022.

| M. Gentiles
📸 R. Cayas