Ang Module Panda Program usa ka inisyatibo sa mga magtutudlo sa Panabo City Senior High School diin tagaan nila og serbisyo ang mga estudyanteng dili makaadto sa mga learning hubs mahitungod kay layo ilang lugar.

Ang maong programa gilangkoban sa mga magtutudlo ug ubang personahe nga adunay motor nga modeliver sa mga modules sa mismong balay sa estudyante. “Ang module panda mo sulod lang sa panahon nga ang ubang estudyante wala kakuha sa ilang mga modules kay layo sa ilang lugar,” matod pa ni Principal II Myrna Purificacion. “Ang retrieval sa mga modules sabotan kung every Friday ba or every second Friday of the month para maisa lang ang pagkuha sa mga modules.”

Ang Panabo City Senior High School nakig alayon sa Philippine Air Force diin sila willing nga motabang sa paghatod sa mga modules sa mga estudyante. Magpahamtang usab og orientation ang mga personahe sa maong tulonghaan alang sa mga mamahimong parte sa Module Panda Program sabay sa pagpanghatag ug libreng volunteer IDs ug module t-shirt.

Alang sa mga gusto mamahimong parte sa Module Panda Program, mamahimong mo adto sa tulonghaan sa Panabo City Senior High School. Requirements niini ang nagapangidaron og 21 anyos pataas ug adunay malumong kasing-kasing nga boluntaryong mo serbisyo.

| Mel Hilario/CIO-PIRO
Photo: M Gentiles