Upat ka learning hubs ang gitaod sa Panabo City Senior High School isip tabang sa mga estudyanteng magkuha sa ilang mga modules. Gimugna kini aron malikayan ang pagdagsa sa mga estudayte sa eskwelahan og mamentina ang minimum health standards sa pagsulod sa learning hub.

Ang Learning Hub adunay nagabantay nga mga magtutudlo ug personahe sa eskwehalan. Abri kini permi alang sa mga estudyante.

Sa mga estudyante nga nagpuyo sa Panacan, Tibungco, Tagurot, Cagangohan, ug Gredu, ilang Learning Hub nahimotang sa Congressional office ni Hon. Alan R. Dujali. Gipahimotang usab sa Pera MPC sa Gaisano Grand mall ang ikaduhang Learning Hub diin ang mga taga Barangay San Vicente ug San Pedro ang pwede maka access niini.

Alang usab sa mga taga northwest area susama sa mga taga barangay Dalisay, Tubod, ug Dapco, anaa sa Barangay Hall sa New Visayas gipahamtang ang ilang Learning Hub samtang ang ika-upat anaa sa Barangay Salvacion Hall para sa mga estudyante lumulupyo sa maong barangay ug sa Carmen.

Dako sad ang pasalamat ni Principal II Myrna Purificacion kay Hon. Alan R.Dujali tungod sa tabang pinansyal. ”Nagpasalamat ako og dako kay Hon Alan R. Dujali sa pagpahiram ug area sa Congressional Office nga himoon nga learning hub ug tabang pinansiyal nga nagkantidad og 170,000 isip tabang sa pagpalit og mga materyales sa pagreproduce sa mga modules.”

Gibutyag usab ni Purificacion nga laoman na mahatag ang mga modules usa ka simana bago ang opisyal nga pag-abri sa klase.

| Mel Hilario/CIO-PIRO
Photo: M Gentiles