Gi koronahan isip Mr. SPES 2022 si Christian Sire Trinidad, 19 anyos ug Miss SPES 2022 si Alliah Nicole Sepada, 19 anyos atol sa gipahitabong Special Program for Employment of Students (SPES) Culmination adtong Hulyo 27,2022 sa ARF Gym, Barangay New Pandan.

Isa lamang kini sa mga aktibidades nga gipahigayon sa culmination, aduna usab gipahitabo nga mga sports ug dance competition alang sa mga SPES beneficiaries. Kini nagpamatoud sa mga talento ug abilidad sa mga kabataan sa siyudad sa Panabo luyo sa padayong pagpaningkamot sa ilang pag-eskwela.

Matod pa ni Trinidad nga, “Isip isa sa mga benepisyaryo sa SPES akong nakita ang true essence niini nga dili lamang may kalabutan sa pagpanarbaho apan apil na ang pagkat-on, pakighimamat og bag-ong mga amigo ug amiga, ug bag-ong experience sa akong kinabuhi. Dugang pa niya sa iyang pagkadaog isip Mr. SPES 2022 nga, “It’s not about winning actually, it’s how about the process of what you did in order for you to win.”

Mihatag usab sa iyang supporta si City Councilor Ronald Ang isip Committee Chairman for Labor & Employment. Sa maong kalihokan, opisyal nga hurado sila City Information Officer Michael Angelo A. Resueño, LYDO Coordinator Reynard C. Engada, ug SPES Focal Noreen Jade H. Villanueva.

|Dolly Amag, CIO-PIRO
📸| Rommel Cayas, CIO-Multimedia