Human sa pagpahamtang sa travel restrictions tungod sa COVID-19 Pandemic, nanguna ang Panabo City sa pagpahigayon og public outreach face-to-face seminar nga Responsableng Panonood Campaign sa Davao Region na gipangunahan sa Movie and Television Review and Classification Board (MTRCB) sa Davao Del Norte State College Gymnasium, adlawng Nobyembre 15, 2022.

Gipasiugda sa Lokal nga Panggamhanan pinaagi sa City Information Office ang maong aktibidad ug nagpahigayon og usa ka seminar diin gilatag mismo sa MTRCB pinaagi sa mga board members na sila Rico S. Pableo Jr, ug Evelyn P. Quinsay ang mga kahimuan sa ilahang opisina gikan sa pag-review hangtod sa pag-evaluate sa mga palabas sa wala pa man na-ipakita sa pelikula ug telebisyon.

Ang MTRCB nagahatag og classification ratings sa mga palabas aron mahibal-an sa mga manan-away kung angay ba kini sa mga bata o dili. Ang classification ratings mao ang mga Rated G, Rated PG, Rated SPG, R-13, R-16, ug R-18. Ang matag rating gilangkuban og mga giya na ginasunod sa MTRCB bago ihatag sa husto na TV show o pelikula.

Mipartisipar sa kalihokan ang DNSC-BaComm students, mga piling lider sa Persons With Disabilities, City Tribal Council, Daycare Teachers, Youth Organizations, media practitioners, ug miyembro sa Local Media Board sa pagpanguna ni Co-Chairperson, Hon. Ian Rolet A. Catalan, anaa usab si City Information Officer Michael Angelo A. Resueno.

lM. Lagura
Photos: F. Paculanang