Ipatawag sa National Privacy Commission (NPC) ang mga telecommunication network kalabot sa bag-ohay nga sunod-sunod nga mga text messages sa scam nga nagtanyag sa mga kadudahang trabaho.

Matod pa ni NPC Commissioner Mon Liboro nga makigtagbo sila sa mga telco firms karong Miyerkules, Nob. 24, 2021 aron tukion ang isyu.

Giawhag usab sa usa ka senador ang National Privacy Commission (NPC) nga imbestigahan ang iyang gitawag nga “epidemic of text scams” nga nagpadala og mga unsolicited ads ug mga tanyag nga trabaho sa publiko.

Dugang pa ni Senator Villanueva nga gipahimuslan sa mga mensahe ang mga tawo nga nangitag trabaho ug mahimo silang maatik tungod niini.