Nobyembre 23, 2021 – Adunay gipahitabong PRE-YEPA o Pre-Year End Performance Asessment alang sa nagkandaiyang mga Public Employment Services Offices (PESO) sa probinsiya sa ACES Gromae Restaurant, Tadeco Road, San Francisco, Panabo City.

Layon sa panagtapok ang maipakita ang mga programang gidumala sa mga lokal na panggamhanan pinaagi sa PESO ug ilabina ang pagpatugbaw sa employment sector, livelihood assistance, skills training, ug career guidance advocacy. Gihisgutan apil ang mga isyu nga nasinati sa pagpatuman sa mga programa ug ang mga posibleng dugang na solusyon niini.

Matod pa ni PESO Panabo Manager Cherelle B. Espinosa, “The PESO believes that by conducting and sharing the programs for people, we can help build a better life for them.” Mailhan nga ang opisina sa PESO mao ang naghatag og mga pipila ka mga serbisyong kaalam ug kalamboan sa mga matag benepisyaryo.

Sa ulahing bahin, nagpahigayon og site visitation ang mga nisalmot sa ANFLO Industrial Estate Corporation, Davao International Container Terminal ug Agriya Nature Park aron sa pagsusi ug pagtimbang sa lugar nga posibleng magamit para sa programa sa PESO ilabina ang pagpanarbaho.

Anaa sa kalihokan si Assistant City Administrator Brenda A. Sauping isip representante ni City Mayor Jose E. Relampagos inubanan sa mga personahe sa Department of Labor and Employment -Davao Del Norte, PESO Department Head Rogeneth P. Llanos, MPA, school-based job placement offices, ug mga PESO-LGU sa probinsiya.

l M. Lagura
Photos: Quinn Villahermosa