Gipulong ni City Mayor Jose E.Relampagos ang mga meat vendors nga nahimutang sa Panabo Premiumed Market aron pagahisgutan ang plano kabahin sa pagpugong sa pagtakod sa COVID-19 sa Panabo gumikan sa mga sunod sunod nga mga kaso niini.

Sa mga ni aging mga simana, adunay mga report gikan sa City Health Office nga ang ubang nagpositibo sa COVID-19 anaay travel history sa Premiumed Market. Aduna sad nagka- “close contact” sa namatay nga positibo sa COVID-19.

Kauban si Assistant City Health Officer Dr. Eranie L.Pangilinan, Gi-awhag ni Mayor Relampagos ang mga meat vendors nga magkoopera sa Health Office aron mapadali ang mga ginahimong contact tracing. Hugot nga nagpahinumdom sad si Dr. Eranie nga hingpit ang ordinansa sa pagsoot sa faceshield og facemask aron proteksyonan ang ilang kaugalingon ug ang tanan.

Gisiguro sab ni Shirley Barcenas nga usa ka meat vendor nga siya mo sunod sa mando sa gobyerno. Sumala pa niya “Maminaw mi og mo sunod sa (gobyerno) kay kung dili, kami gihapon ang maapektohan. Busa akoang ingnon akoang sakop nga maminaw jud ug mag soot og face mask ug face shield.”

Anaa sa pulong si CEEMDO Department Head Nemesio Rasgo, City Legal Officer Atty. Chervin C.Paculanang, City Administrator Pedrito A.Misoles, ug City Information Officer Michael Angelo Resueno.

Gen Alforque – CIO/PIRO
📸 – Francis Paculanang